అసురక్షితమైన సెక్స్ జరిగిన సందర్భంలో, మీరు గర్భ ధారణ జరగకూడదని కోరుకుంటే, వీలైనంత త్వరగా, అంటే 12 గంటలలోగానో, లేదా అసురక్షితమైన సెక్స్ జరిగిన తరవాత 72 గంటలు దాటకుండానో, ఐ-పిల్ తీసుకోవాలి.

క్రింద ఇవ్వబడిన పరిస్థితులలో ఐ-పిల్ గర్భ నిరోధకానికి ఒక మద్దతునిచ్చే సాధనంగా కూడా పని చేస్తుంది:

• గర్భ నిరోధక సాధనాలు విఫలం అయినప్పుడు
• అసురక్షితమైన సెక్స్ జరిగినప్పుడు
• మీరు మాములుగా వాడే గర్భ నిరోధక సాధనాన్ని సవ్యంగా వాడనప్పుడు
• బలవంతంగా శారీరక సంపర్కం జరిగినప్పుడు

ఐ-పిల్ నోటి ద్వారా తీసుకోవలసిన ఒక సింగిల్ డోస్ మాత్ర. భోజనం తరవాత, ఒక గ్లాసెడు నీళ్లతో పాటు దీన్ని తీసుకోవాలి. అసురక్షితమైన సెక్స్ తరవాత గాని, గర్భ నిరోధక సాధనాలు విఫలం అయినప్పుడుగాని, వీలైనంత త్వరగానో, లేదా 72 గంటలు దాటకుండానో తీసుకోవాలి.

గర్భ ధారణ అప్పటికే జరిగిపోయిన పరిస్థితులలో ఐ-పిల్ పని చేయదు. ఎందుకంటే ఇది గర్భ నిరోధకానికి కేవలం మద్దతునిచ్చే సాధనం లేదా ఎమర్జెన్సీ గర్భ నిరోధక సాధనం మాత్రమే. ఇది నియమానుసారం వాడబడే గర్భ నిరోధక సాధనాలకు ప్రత్యామ్నాయం కాదు. దీన్ని అసురక్షితమైన సెక్స్ జరిగిన 72 గంటల తరవాత తీసుకుంటే, ఇది పని చేయదు.

ఐ-పిల్‌లో ఉన్న లెవోనోర్జెస్ట్రెల్ అనే మందు పదార్థం వల్ల మీకు ఎలెర్జీ కలిగే పక్షంలో, ఐ-పిల్ వాడుక సిఫారసు చేయబడదు.

ఐ-పిల్ తీసుకోవడానికి వైద్య పరీక్ష/మెడికల్ చెక్-అప్ అవసరం లేదు. కాని, మీరు ఏదైనా తీవ్ర వ్యాధితో బాధపడుతూ ఉన్నా, లేదా మీకు లెవోనోర్జెస్ట్రెల్‌తో ఎలెర్జీ కలుగుతుందని తెలిసి ఉన్నా, డాక్టర్‌ని సంప్రదించడం మంచిది.

ఋతు చక్రంలో మీరున్న ప్రస్తుత స్థితిపై ఆధారపడి ఐ-పిల్ మూడు విధానాలలో ఏ విధంగానైనా పని చేయవచ్చ

• అండాశయం నుంచి అండాన్ని విడుదల కాకుండా ఆపెయ్యవచ్చు.
• అండం అప్పటికే విడుదల అయిపోయినట్టైతే, దాన్ని వీర్యాణువు ఫలవంతం చేయకుండా ప్రతిబంధించవచ్చు.
• అండం అప్పటికే ఫలవంతం అయిపోయి ఉంటే, దాన్ని గర్భాశయం లోపొర మీద అతుక్కోనివ్వకుండా అడ్డగించవచ్చు.

ఫలవంతం అయిన అండం గర్భాశయానికి అతుక్కుపోయిన తరవాతే గర్భ ధారణ జరిగినట్టు నిర్ధారణం అవుతుందని గమనించవలసింది.

వైద్యశాస్త్రానుసారం, ఫలవంతం అయిన అండం గర్భాశయం లోపొరకి అతుక్కోవడంతోనే గర్భధారణ మొదలవుతుంది.

ఎబార్షన్ పిల్స్‌లో యాంటీ ప్రొజెస్టిన్స్ అనబడే డ్రగ్స్ ఉంటాయి. ఇవి గర్భ ధారణ జరిగిన తరవాత గర్భాన్ని పెరగనివ్వకుండా ఆపేస్తాయి.

కాకుండా, సామాన్య స్త్రీ హార్మోన్లు కలిగి ఉన్న ఐ-పిల్ వంటి ఎమర్జెన్సీ కాంట్రాసెప్టివ్ పిల్స్ గర్భ ధారణ జరగనివ్వకుండా ముందే నిరోధిస్తాయి కనుక ఇవి ఎబార్షన్ కలిగించవు.

ఇంకా తెలుసుకునేందుకు, ఇక్కడ క్లిక్ చేయండి.

అసురక్షితమైన సెక్స్ జరిగిన తరవాతనో, లేక గర్భ నిరోధక సాధనాలు విఫలం అయిన తరవాతనో, వీలైనంత త్వరగా తీసుకుంటే, ఐ-పిల్ ఉత్తమంగా పని చేస్తుంది. కాని 72 గంటల ఆలస్యం తరవాత కాదు.

మీరు ఐ-పిల్‌ని ఎంత త్వరగా వాడితే, అంత గుణకరమైనది. అసురక్షితమైన సెక్స్ జరిగిన తరవాత, 24 గంటల లోగా తీసుకుంటే, ఇది 95% గుణకరమైనది, 25 – 48 గంటల మధ్యన 85%, మరియు 49 – 72 గంటల మధ్యన తీసుకుంటే 58%. కాని మీ పీరియడ్ సరి అయిన సమయం తరవాత వారం రోజులు దాటి పోయినా రాకపోతే, మీరు ప్రెగ్నెన్సీ టెస్టు చేయించుకుని, మీ డాక్టర్‌ని సంప్రదించాలి.

ఐ-పిల్ వల్ల దీర్ఘకాలపు సైడ్-ఎఫెక్ట్స్ గాని తీవ్రమైన సైడ్-ఎఫెక్ట్స్ గాని కలగవు. అందుచేత దాదాపు ప్రతి స్త్రీ దీన్ని సురక్షితంగా వాడవచ్చును. ఐ-పిల్ తీసుకున్న తరవాత కలిగే కొన్ని సాధారణమైన సైడ్-ఎఫెక్ట్స్ ఏమిటంటే వికారం, వాంతులు, తలనొప్పి. మీకు పొత్తికడుపులో కాస్త నొప్పిగా ఉండవచ్చు, లేదా మీ స్తనములు ఎప్పటికంటే నొప్పిగా ఉన్నట్టు ఉండవచ్చు. ఇవన్ని ఒకటి-రెండు రోజుల్లో తగ్గిపోవాలి. భగరంధ్రము నుంచి అకస్మాత్తుగా రక్తస్రావం జరిగే సంభావన ఉంది, కాని అది ప్రమాదకరం కాదు. అది మీకు మళ్ళీ పీరియడ్ వచ్చే సరికి సర్దుకుపోవాలి. ఐ-పిల్ వాడటం వల్ల మీ వచ్చే పీరియడ్ సరి అయిన సమయానికి కాస్త ముందుగానో లేక కాస్త ఆలస్యంగానో కూడా రావచ్చు. కాని మీ పీరియడ్స్ రావడం సరి అయిన సమయానికి వారం కన్నా ఆలస్యం అయితే, మీరు ప్రెగ్నెన్సీ టెస్టు చేయించుకుని, మీ డాక్టర్‌ని సంప్రదించాలి. ఐ-పిల్ వల్ల మీకు భవిష్యత్తులో కాబోయే (కావలసిన) ప్రెగ్నెన్సీలలో, కష్టం కలిగించగలిగే దీర్ఘకాలపు పరిణామాలు ఏమీ ఉండవు.

ఐ-పిల్‌లో ఉన్న లెవోనోర్జెస్ట్రెల్ అనే మందు పదార్థం వల్ల మీకు ఎలెర్జీ కలిగే పక్షంలో, ఐ-పిల్ వాడుక సిఫారసు చేయబడదు.

ఐ-పిల్ వాడే ముందు మీరు తెలుసుకోవలసిన విషయాలు ఇవి – ఎ. అసురక్షితమైన సెక్స్ జరిగిన తరవాతగాని, గర్భ నిరోధక సాధనాలు విఫలం అయినప్పుడుగాని, వీలైనంత త్వరగా ఐ-పిల్ తీసుకుంటే, ఉత్తమంగా పని చేస్తుంది. కాని 72 గంటలు దాటిన తరవాత కాదు.

• మీరు అప్పటికే గర్భం ధరించిన పక్షంలో ఐ-పిల్ పని చేయదు.
• దీన్ని నియమానుసార గర్భ నిరోధక పద్ధతిగా కూడా వాడకూడదు.
• ఐ-పిల్ హెచ్ఐవీ/ఏయిడ్స్ నుంచి గాని లైంగిక సంపర్కం వల్ల సంక్రమించే ఇతర రోగాల నుంచి గాని రక్షణ ఇవ్వదు.

ఐ-పిల్‌ని ఒక సైకిల్‌లో ఒకసారి కంటే ఎక్కువగా వాడవచ్చును కాని ఇది కేవలం ఒక ఎమర్జెన్సీ కాంట్రాసెప్టివ్‌గా మాత్రమే సిఫారసు చేయబడినది.

నియమానుసార గర్భ నిరోధకానికి ఐ-పిల్ సరి అయినది కాకపోవడానికి కొన్ని కారణాలు ఉన్నాయి:

• మళ్ళీ మళ్లీ ఇ.సి. వాడే కన్నా, ఏ నియమానుసార గర్భ నిరోధక సాధనాలైనా ఎక్కువ ఉపయోగకరమైనవి.
• దీర్ఘకాలం వరకు ఐ-పిల్‌ని ఎక్కువగా వాడితే, మెన్ట్ర్సువల్ సైకిల్ క్రమము తప్పవచ్చును.

ఇది వికారం, వాంతులు, వంటి ఇబ్బంది కలిగించే సైడ్-ఎఫెక్ట్స్ కలిగించవచ్చును.

గుర్తుంచుకోండి, అసంకల్పిత గర్భ ధారణ జరగకుండా ఉండటానికి నియమానుసార గర్భ నిరోధక సాధనాలు ఉపయోగించడం కొనసాగిస్తూ ఉండాలి.

చనుబాలు ఇస్తున్నప్పుడు ఐ-పిల్ వాడటం సురక్షితమే. ఐ-పిల్ వాడటం వల్ల, మీ చనుబాల గుణంలో, మీ శిశువుపై పరిణామం చూపించగలిగినంత మార్పు కలిగే సంభావన, ఏమీ ఉండబోదని అనవచ్చును.