ಸಂರಕ್ಷಣೆ ಇಲ್ಲದೆ ನೀವು ಸಂಭೋಗ ನಡೆಸಿದ್ದು ಗರ್ಭ ಧಾರಣೆಯನ್ನು ತಡೆಗಟ್ಟಲು ಬಯಸುವಿರೆಂದಾದರೆ, ನೀವು ಸಾಧ್ಯವಾದಷ್ಟು ಬೇಗ ಐ-ಪಿಲ್ ಪಡೆಯಬೇಕು. ಅಸಂರಕ್ಷಿತ ಸಂಭೋಗದಿಂದ 12 ಗಂಟೆಗಳ ಒಳಗೆ ಪಡೆದರೆ ಉತ್ತಮ, 72 ಗಂಟೆಗಳಿಗಿಂತ ತಡವಾಗಬಾರದು.

ಈ ಕೆಳಗಿನ ಸಂದರ್ಭಗಳಲ್ಲಿ ಐ-ಪಿಲ್ ಬೆಂಬಲದ ಗರ್ಭ ನಿರೋಧಕ ಉಪಾಯವಾಗಿ ಚೆನ್ನಾಗಿರುತ್ತದೆ.

• ಗರ್ಭ ನಿರೋಧಕ ಕೈಕೊಟ್ಟಾಗ
• ಅಸಂರಕ್ಷಿತ ಸಂಭೋಗ ಮಾಡಿದಾಗ
• ನಿಮ್ಮ ನಿಯಮಿತ ಗರ್ಭ ನಿರೋಧಕ ಉಪಾಯವನ್ನು ಸರಿಯಾದ ಕ್ರಮದಲ್ಲಿ ಬಳಸದೇ ಇರುವಾಗ
• ಬಲಾತ್ಕಾರದ ಸಂಭೋಗ

ಐ-ಪಿಲ್ ಅದೊಂದು ಬಾಯಿಯ ಮೂಲಕ ಸೇವಿಸುವ ಒಂದೇ ಡೋಸಿನ ಮಾತ್ರೆ. ಇದನ್ನು ಊಟದ ನಂತರ ಒಂದು ಗ್ಲಾಸ್ ನೀರಿನೊಂದಿಗೆ ನುಂಗಬೇಕು. ಅಸಂರಕ್ಷಿತ ಸಂಭೋಗದ ಅಥವಾ ಗರ್ಭ ನಿರೋಧಕ ಕೈಕೊಟ್ಟ ನಂತರ 12 ಗಂಟೆಗಳ ಒಳಗೆ ಐ-ಪಿಲ್ ಪಡೆಯಬೇಕು ಮತ್ತು 72 ಗಂಟೆಗಳಿಗಿಂತ ತಡವಾಗಬಾರದು.

ನೀವು ಈಗಾಗಲೇ ಗರ್ಭಿಣಿಯಾಗಿದ್ದಾರೆ, ಐ-ಪಿಲ್ ಕೆಲಸ ಮಾಡಲಾರದು. ಏಕೆಂದರೆ, ಇದು ಕೇವಲ ಒಂದು ಬೆಂಬಲದ ಅಥವಾ ತುರ್ತಿನ ಗರ್ಭ ನಿರೋಧಕ ಉಪಾಯವಷ್ಟೇ ಆಗಿದೆ. ಇದು ನಿಯಮಿತ ಗರ್ಭ ನಿರೋಧಕ ಉಪಾಯವಾಗಲು ಸೂಕ್ತವಲ್ಲ.

ಅಸಂರಕ್ಷಿತ ಸಂಭೋಗದ 72 ಗಂಟೆಗಳ ನಂತರ ಐ-ಪಿಲ್ ಪರಿಣಾಮಕಾರಿಯಾಗಿರುವುದಿಲ್ಲ. ನಿಮಗೆ ಐ-ಪಿಲ್ ನಲ್ಲಿರುವ ಔಷಧಿ ಲೆವೊನೋರ್ಜೆಸ್ಟ್ರೆಲ್‌ನ ಅಲರ್ಜಿ ಇದ್ದಲ್ಲಿ ಐ-ಪಿಲ್ ಶಿಫಾರಸು ಮಾಡಲಾಗುವುದಿಲ್ಲ.

ಐ-ಪಿಲ್ ಪಡೆಯಲು ಮೆಡಿಕಲ್ ಚೆಕ್-ಅಪ್ ಬೇಕಾಗಿಲ್ಲ. ಆದರೆ, ನಿಮಗೇನಾದರೂ ಗಂಭೀರ ವ್ಯಾಧಿ ಇದ್ದಲ್ಲಿ ಅಥವಾ ನಿಮಗೆ ಲೆವೊನೋರ್ಜೆಸ್ಟ್ರೆಲ್‌ನ ಅಲರ್ಜಿ ಇರುವುದು ತಿಳಿದಿದ್ದಲ್ಲಿ, ಡಾಕ್ಟರರ ಸಲಹೆ ಪಡೆಯುವುದು ಉತ್ತಮ.

ನಿಮ್ಮ ಋತು ಚಕ್ರದಲ್ಲಿ ನೀವು ಎಲ್ಲಿರಬಹುದು ಎಂಬುದನ್ನು ಅನುಸರಿಸಿ ಐ-ಪಿಲ್ ಮೂರು ಬೇರೆ ಬೇರೆ ವಿಧಗಳಲ್ಲಿ ಕೆಲಸ ಮಾಡುತ್ತದೆ.

• ಇದು ಅಂಡಾಶಯದಿಂದ ಮೊಟ್ಟೆಯ ಬಿಡುಗಡೆಯನ್ನು ನಿಲ್ಲಿಸಬಹುದು.
• ಮೊಟ್ಟೆ ಈಗಾಗಲೇ ಬಿಡುಗಡೆಯಾಗಿದ್ದರೆ, ವೀರ್ಯವು ಅದನ್ನು ಫಲಪ್ರದಗೊಳಿಸದಂತೆ ಇದು ತಡೆಯಬಹುದು.
• ಮೊಟ್ಟೆ ಈಗಾಗಲೇ ಫಲಪ್ರದವಾಗಿದ್ದರೆ, ಅದು ಗರ್ಭಕೋಶದ ಲೈನಿಂಗ್‌ನೊಂದಿಗೆ ಅಂಟಿಕೊಳ್ಳಕೊಳ್ಳದಂತೆ ಇದು ತಡೆಯಬಹುದು.

ಫಲಪ್ರದವಾದ ಮೊಟ್ಟೆಯು ಗರ್ಭ ಕೋಶದ ಲೈನಿಂಗ್‌ನೊಂದಿಗೆ ಅಂಟಿಕೊಂಡಾಗ ಮಾತ್ರವೇ ಗರ್ಭ ಧಾರಣೆ ನಿಶ್ಚಿತವಾಗುತ್ತದೆ ಎಂಬ ವಿಷಯವನ್ನು ತಿಳಿದಿರುವುದು ಅಗತ್ಯ.

ಗರ್ಭ ಧಾರಣೆಯಾಗಿರುವುದು ನಿಶ್ಚಿತವಾದ ನಂತರ(ಅಂದರೆ, ಫಲಪ್ರದವಾದ ಮೊಟ್ಟೆ ಗರ್ಭಕೋಶದಲ್ಲಿ ಅಂಟಿಕೊಂಡಾಗ) ಐ-ಪಿಲ್ ನಿಂದ ಯಾವ ಪರಿಣಾಮವೂ ಆಗಲಾರದು. ಆದ್ದರಿಂದ ಇದು ಗರ್ಭಪಾತದ ಮಾತ್ರೆಯಲ್ಲ.

ವೈದ್ಯಕೀಯ ಭಾಷೆಯಲ್ಲಿ ಫಲಪ್ರದವಾದ ಮೊಟ್ಟೆ ಗರ್ಭಕೋಶದಲ್ಲಿ ನೆಲೆಸಿದಾಗ ಅದನ್ನು ಗರ್ಭಿಣಿಯಾಗುವುದು ಎನ್ನುತ್ತಾರೆ.

ಗರ್ಭಪಾತದ ಮಾತ್ರೆಗಳಲ್ಲಿ ಆಂಟಿಪ್ರೊಜೆಸ್ಟಿನ್ಸ್ ಎಂಬ ಔಷಧಿಗಳಿರುತ್ತವೆ. ಇವು ಗರ್ಭ ಧಾರಣೆಯಾದ ನಂತರ ಬಸಿರಿನ ವಿಕಾಸವನ್ನು ನಿಲ್ಲಿಸುತ್ತದೆ.

ಆದರೆ ಐ-ಪಿಲ್ ನಂತ ತುರ್ತಿನ ಗರ್ಭ ನಿರೋಧಕ ಮಾತ್ರೆಗಳಲ್ಲಿ ಮೊದಲಾಗಿ ಗರ್ಭ ಧಾರಣೆಯನ್ನೇ ತಡೆಯಬಲ್ಲ ಸಾಮಾನ್ಯ ಫಿಮೇಲ್ ಹಾರ್ಮೋನ್‌ಗಳಿರುತ್ತವೆ. ಆದ್ದರಿಂದ ಇವು ಗರ್ಭಪಾತಕ್ಕೆ ಕಾರಣವಾಗಲಾರವು.

ಅಧಿಕ ಮಾಹಿತಿಗಾಗಿ, ಇಲ್ಲಿ ಕ್ಲಿಕ್ ಮಾಡಿರಿ

ಅಸಂರಕ್ಷಿತ ಸಂಭೋಗ, ಅಥವಾ ಗರ್ಭ ನಿರೋಧಕ ನಿಷ್ಪಲವಾದ ನಂತರ ಎಷ್ಚು ಬೇಗ ಐ-ಪಿಲ್ ಸೇವಿಸುವಿರೋ ಅಷ್ಟೇ ಉತ್ತಮ. ಆದರೆ 72 ಗಂಟೆಗಳಿಗಿಂತ ತಡವಾಗಬಾರದು.

ಎಷ್ಟು ಬೇಗ ಐ-ಪಿಲ್ ಸೇವಿಸುವಿರೋ ಅಷ್ಟೇ ಹೆಚ್ಚು ಅದರ ಪರಿಣಾಮವಾಗಿರುತ್ತದೆ. ಅಸಂರಕ್ಷಿತ ಸಂಭೋಗದ ನಂತರ 24 ಗಂಟೆಗಳ ಒಳಗೆ ಸೇವಿಸಿದರೆ ಇದು 95% ಪರಿಣಾಮಕಾರಿಯಾಗಿರುತ್ತದೆ,25-48 ಗಂಟೆಗಳ ಒಳಗೆ 85% ಮತ್ತು 49-72 ಗಂಟೆಗಳ ಒಳಗೆ 58% ಪರಿಣಾಮಕಾರಿಯಾಗಿರುತ್ತದೆ. ಆದರೆ ನಿಮ್ಮ ಮುಟ್ಟು ಒಂದು ವಾರಕ್ಕಿಂತ ಹೆಚ್ಚು ದೂರವಾದರೆ ನೀವು ಪ್ರೆಗ್ನೆನ್ಸಿ ಟೆಸ್ಟ್ ಮಾಡಿಸಬೇಕು ಮತ್ತು ನಿಮ್ಮ ಡಾಕ್ಟರರನ್ನು ಸಂಪರ್ಕಿಸಬೇಕು.

ಐ-ಪಿಲ್ ನಿಂದ ಬಹುಕಾಲ ಉಳಿಯುವ ಅಥವಾ ಗಂಭೀರವೆನಿಸುವ ಯಾವುದೇ ಪಾರ್ಶ್ವ ಪರಿಣಾಮಗಳಿಲ್ಲ ಮತ್ತು ಇದು ಹೆಚ್ಚು-ಕಡಿಮೆ ಎಲ್ಲಾ ಸ್ತ್ರೀಯರಿಗೂ ಬಳಕೆಗೆ ಸುರಕ್ಷಿತವಾಗಿದೆ.

ಪಿತ್ತೋದ್ರೇಕ, ವಾಂತಿ ಮತ್ತು ತಲೆ ನೋವು, ಇವು ಐ-ಪಿಲ್ ಸೇವಿಸಿದಾಗ ತೋರಿಬರುವ ಕೆಲವು ಸಾಮಾನ್ಯ ಪಾರ್ಶ್ವ ಪರಿಣಾಮಗಳು. ನಿಮಗೆ ಕೆಳ ಹೊಟ್ಟೆಯ ನೋವು ಕೂಡ ಕೆಲವೊಮ್ಮೆ ತೋರಿಬರಬಹುದು. ಅಥವಾ ಸ್ತನಗಳು ಸಾಮಾನ್ಯಕ್ಕಿಂತ ಮೃದುವಾಗಿರುವುದನ್ನು ನೀವು ಗಮನಿಸಬಹುದು. ಇವೆಲ್ಲವೂ ಒಂದೆರಡು ದಿನಗಳಲ್ಲಿ ಸರಿಹೋಗುತ್ತದೆ. ಅಕಸ್ಮಾತ್ತಾಗಿ ಯೋನಿಯಲ್ಲಿ ಸ್ರಾವ ಉಂಟಾಗಬಹುದು.ಆದರೆ ಇದರಿಂದೇನೂ ಅಪಾಯವಿಲ್ಲ. ಮುಂದಿನ ತಿಂಗಳು ನಿಮಗೆ ಮುಟ್ಟು ಬರುವಷ್ಟರಲ್ಲಿ ಅದು ನಿಂತುಬಿಡುತ್ತದೆ. ಐ-ಪಿಲ್ ನಿಂದಾಗಿ ನಿಮ್ಮ ಮುಂದಿನ ಮುಟ್ಟು ಸಾಮಾನ್ಯಕ್ಕಿಂತ ಬೇಗನೇ ಬರುವುದು ಅಥವಾ ತಡವಾಗುವುದು ಸಾಧ್ಯವಿದೆ.ಆದರೆ ನಿಮ್ಮ ಮುಟ್ಟು ಒಂದು ವಾರಕ್ಕಿಂತ ದೂರ ಹೋದರೆ ನೀವು ಪ್ರೆಗ್ನೆನ್ಸಿಟೆಸ್ಟ್ ಮಾಡಿಸಿಕೊಳ್ಳಬೇಕು ಮತ್ತು ನಿಮ್ಮ ಡಾಕ್ಟರರನ್ನು ಸಂಪರ್ಕಿಸಬೇಕು. ಐ-ಪಿಲ್ ನಿಂದ ದೀರ್ಘ ಸ್ಠಾಯಿ ಪರಿಣಾಮವಿರಲಾರದು ಮತ್ತು ಭವಿಷ್ಯತ್ತಿನ(ಮತ್ತು ಬಯಸಿದ) ಗರ್ಭ ಧಾರಣೆಗಳಲ್ಲಿ ತೊಂದರೆ ಬರಲಾರದು.

ನಿಮಗೆ ಐ-ಪಿಲ್ ನಲ್ಲಿರುವ ಔಷಧಿ ಲೆವೊನೋರ್ಜೆಸ್ಟ್ರೆಲ್‌ನ ಅಲರ್ಜಿ ಇದ್ದಲ್ಲಿ ಐ-ಪಿಲ್ ಶಿಫಾರಸು ಮಾಡಲಾಗುವುದಿಲ್ಲ.

ಐ-ಪಿಲ್ ಪಡೆಯುವ ಮೊದಲು ನಿಮಗೆ ಈ ಕೆಳಗಿನ ವಿಷಯಗಳು ತಿಳಿದಿರಬೇಕು:

• ಅಸಂರಕ್ಷಿತ ಸಂಭೋಗ ಅಥವಾ ಗರ್ಭ ನಿರೋಧಕ ಕೆಲಸ ಮಾಡದೇ ಇರಬಹುದಾದ ಸಂದರ್ಭಗಳ ನಂತರ ಎಷ್ಟು ಬೇಗನೇ ಐ-ಪಿಲ್ ಪಡೆಯುವಿರೋ ಅಷ್ಟೇ ಅದು ಪರಿಣಾಮಕಾರಿಯಾಗಿರುತ್ತದೆ. ಆದರೆ ಇದು 72 ಗಂಟೆಗಳಿಗೆ ಮೀರಬಾರದು.
• ನೀವು ಈಗಾಗಲೇ ಗರ್ಭಿಣಿಯಾಗಿದ್ದರೆ ಐ-ಪಿಲ್ ನಿಂದ ಏನೂ ಪ್ರಯೋಜನವಾಗಲಾರದು.
• ಇದನ್ನು ನಿಯಮಿತ ಗರ್ಭ ನಿರೋಧಕ ಮಾತ್ರೆಯಾಗಿ ಬಳಸಬಾರದು.
• ಐ-ಪಿಲ್ ನಿಮಗೆ ಎಚ್ಐವಿ-ಏಡ್ಸ್ ಅಥವಾ ಇತರ ಲೈಂಗಿಕವಾಗಿ ಹರಡಿಕೊಳ್ಳುವ ರೋಗಗಳಿಂದ(ಎಸ್‌ಟಿಡಿ) ಸಂರಕ್ಷಣೆ ನೀಡಲಾರದು.

ಐ-ಪಿಲ್ ಅನ್ನು ಒಂದು ಋತು ಚಕ್ರದಲ್ಲಿ ಒಂದಕ್ಕಿಂತ ಹೆಚ್ಚು ಬಾರಿ ಉಪಯೋಗಿಸಬಹುದು.ಆದರೆ ಇದನ್ನು ಕೇವಲ ತುರ್ತಿನ ಗರ್ಭ ನಿರೋಧಕವಾಗಿ ಬಳಸಲಿಕ್ಕೆ ಶಿಫಾರಸು ಮಾಡಲಾಗುತ್ತದೆ.

ನಿಯಮಿತ ಗರ್ಭ ನಿರೋಧಕವಾಗಿ ಐ-ಪಿಲ್ ಏಕೆ ಬಳಸಬಾರದೆಂಬುದಕ್ಕೆ ಹಲವಾರು ತರ್ಕಬದ್ಧ ಕಾರಣಗಳಿವೆ:

• ಪದೇ ಪದೇ ಇಸಿ ಬಳಸುವುದಕ್ಕಿಂತ ಗರ್ಭ ನಿರೋಧನೆಯ ಯಾವುದೇ ಇತರ ಉಪಾಯ ಹೆಚ್ಚು ಪರಿಣಾಮಕಾರಿಯಾಗಿರುತ್ತದೆ;
• ದೀರ್ಘಾವಧಿಯವರೆಗೆ ಇದನ್ನು ಅತಿರೇಕವಾಗಿ ಬಳಸುವುದರಿಂದ ಋತು ಚಕ್ರ ಅನಿಯಮಿತವಾಗಬಹುದು;
• ಪಿತ್ತೋದ್ರೇಕ ಮತ್ತು ವಾಂತಿಯಂಥ ಬೇಸರ ತರಿಸುವಂಥ ಪಾರ್ಶ್ವ ಪರಿಣಾಮಗಳು ಉಂಟಾಗಬಹುದು.

ಅನಿಯೋಜಿತ ಗರ್ಭಧಾರಣೆಯನ್ನು ತಡೆಗಟ್ಟಲು ನಿಮ್ಮ ನಿಯಮಿತ ಪದ್ಧತಿಯನ್ನೇ ಮುಂದುವರಿಸುತ್ತಿರುವ ಖಾತರಿ ಮಾಡಿಕೊಳ್ಳಿ.

ಎದೆಹಾಲು ಉಣಿಸುತ್ತಿರುವ ಅವಧಿಯಲ್ಲೂ ಐ-ಪಿಲ್ ಸುರಕ್ಷಿತವಾಗಿದೆ ಮತ್ತು ಶಿಶುವಿನ ಮೇಲೆ ದುಷ್ಪರಿಣಾಮವಾಗುವಂತೆ ಯಾವ ಗಮನೀಯ ಪರಿಣಾಮವನ್ನೂ ಇದು ಬೀರಲಾರದು.